Modern Family S08 (2016)

[last updated: 2025-07-29 17:30:04]

other name
updating
author
updating
status
ongoing
genres
updating
views
0

Modern Family S08 (2016) rating: 5/5 - 1 votes.

follow 0 followers

description

Modern Family S08 (2016)

**************************

Season 8 (2016) (အပိုင်း ၁ မှ ၁၀)

The Big Bang Theory တို့ Young Sheldon တို့ The Office တို့ဆိုတဲ့ နာမည်ကြီးဟာသ
ရှိုးတွေကို Sitcom လို့ခေါ်ကြပါတယ်။ တီဗီမှာပြသတဲ့ဟာသရှိုးတွေဖြစ်ပြီး ဟာသရုပ်ရှင်ကားတွေနဲ့
မတူဘဲ တစ်မူထူးခြားရယ်ရပြီး စိတ်ဝင်စားစရာကောင်းတဲ့ရှိုးမျိုးတွေပါ။ အခုလည်း ၂၀၀၉ ခုနှစ်ကနေ
၂၀၂၀ ခုနှစ်အထိထုတ်လွှင့်ခဲ့တဲ့ Sitcom ကောင်းလေးတစ်ခုကို တင်ဆက်ပေးလိုက်ပါတယ်။

နာမည်ကတော့ Modern Family ဖြစ်ပြီး IMDb Rating 8.5 အထိရရှိထားတဲ့အတွက်
ကြည့်မကောင်းမှာ စိတ်ပူစရာမလိုပါဘူး။ Season 11 ခုထွက်ရှိထားပြီး စုစုပေါင်းအပိုင်း ၂၅၀ ရှိတဲ့အတွက်
Sitcom ကြိုက်တဲ့ လူတွေအတွက်တော့ ရွေးချယ်ကြည့်ရှုစရာ Sitcom ရှိုးကောင်းလေးတစ်ခုပဲ ဖြစ်ပါတယ်။

နာမည်က Modern Family ဆိုတဲ့အတိုင်း ဒီ Sitcom က မိသားစုအကြောင်းကို အဓိကထား ရိုက်ကူး
ထားတာပါ။ အဓိကအနေနဲ့ မိသားစု ၃ ခုပါဝင်ပြီး အဲ့ဒီမိသားစု ၃ ခုပေါင်းလိုက်ရင် ခေတ်မှီမိသားစု
ဖြစ်သွားတယ်ဆိုတဲ့သဘောနဲ့ ဒီလိုနာမည်ပေးထားတာဖြစ်ပါတယ်။

မိသားစုတစ်ခုချင်းစီတိုင်းမှာ စိတ်ဝင်စားစရာအကြောင်းအရာတွေ နေ့စဉ်လှုပ်ရှားမှုပုံစံတွေ တွေ့ကြုံရတဲ့
အခက်အခဲတွေအမျိုးမျိုးအဖုံဖုံရှိပြီး မိသားစု ၃ ခုဆိုတော့ပိုလို့တောင် ဇာတ်အိမ်ကြီးက ကျယ်ပြန့်သွားပြီး
ကြည့်ကောင်းတဲ့ ရေရှည်ရပ်တည်နိုင်ခဲ့တဲ့ရှိုးတစ်ခုဖြစ်လာခဲ့ပါတယ်။

ပထမမိသားစုကတော့ ဖေးလ်နဲ့ကလယ်ရာတို့မိသားစုဖြစ်ပြီး သူတို့မှာကလေး ၃ ယောက်ရှိပါတယ်။
ကလေး ၃ ယောက်ဆိုတာများတဲ့ထဲမှာ ပါတဲ့အတွက် ခေတ်ဆန်ဆန်အဖေနဲ့ အရမ်းစိုးရိမ်တတ်တဲ့အမေနဲ့
တွေ့တဲ့အခါမှာတော့ မိသားစုထဲမှာမရိုးနိုင်တဲ့ ဟာသဆန်ဆန်ဖြစ်ရပ်လေးတွေကို တွေ့မြင်ရမှာပါ။

ဒုတိယမိသားစုကတော့ မစ်ချဲနဲ့ကမ်မရွန်ဆိုတဲ့ လိင်တူချစ်သူနှစ်ယောက်ရဲ့ မိသားစုဖြစ်ပြီး မကြာသေးခင်က
ဗီယက်နမ်က ကလေးမလေးတစ်ယောက်ကိုမွေးစားထားတာဖြစ်ပါတယ်။ သူတို့လည်း ဂေးမိသားစုဖြစ်တဲ့
အထိုက်အလျောက် ပတ်ဝန်းကျင် မိသားစုရဲ့ဝေဖန်မှုအခက်အခဲတွေကိုကြုံတွေ့ရတာပါပဲ။

တတိယမိသားစုကတော့ ကလယ်ရာနဲ့မစ်ချဲတို့ရဲ့ အဖေဖြစ်သူဂျေးနဲ့မိထွေးဂလော်ရီယာတို့မိသားစုဖြစ်ပြီး
ဂျေးလည်း အသက်ကြီးမှနောက်အိမ်ထောင်ပြုရတဲ့အတွက် မယားပါသားနဲ့တိုင်တွေပတ်တာတွေ ပတ်ဝန်းကျင်ရဲ့
ပုတ်ခတ်ပြောဆိုမှုတွေကို ခံရတဲ့ အခက်အခဲတွေ ရှိပါတယ်။

ဒါပေမယ့် ဒီအခက်အခဲတွေကို ဒီမိသားစုတွေ ဘယ်လိုကျော်လွန်ပြီး ပျော်ရွှင်ရတဲ့ရှိုးပွဲလေးတစ်ခုဖြစ်လာအောင်
ဘယ်လိုပုံဖော်သွားမယ်ဆိုတာကိုပြသထားတဲ့ ရှည်လျားတဲ့ခရီးစဉ်ကြီးကိုတော့ စိတ်ဝင်စားသူတွေကိုယ်တိုင်
စီးနင်းလိုက်ပါရှုစားဖို့ပဲ ညွန်းပေးလိုက်ချင်ပါတယ်။

(အညွှန်းကိုSaw Lay မှ ရေးသားပေးထားပါတယ်)

Episodes: 22
Aired: Sep 21, 2016 – May 17, 2017
Genres: Comedy, Romance, Sitcom, Drama
Translated by CM Team
Encoded by AHtet